Германия Бундеслигасида 24-тур ўйинлари бўлиб ўтмоқда. Турнинг марказий баҳси Дортмунднинг "Боруссия" ва Мюнхеннинг "Бавария" жамоалари ўртасида кечди. Меҳмонлар 3:2 ҳисобида ғалаба қозонишди, мюнхенликлар таркибида инглиз ҳужумчиси Харри Кейн иккита гол уришга муваффақ бўлди.
Натижада, ҳозирги вақтга келиб унинг жорий мавсумдаги голлари сони (барча турнирларни ҳисобга олганда) 44 тага етди. Бунинг учун унга атиги 37 та ўйин кифоя қилди. Аввалроқ, 2023/2024 йилги мавсумда — Кейн Мюнхендаги илк йилини ўтказаётган пайтда ҳам мавсум давомида 44 та гол урган эди, бироқ ўшанда унга 45 та ўйин керак бўлган.
Эндиликда унда янги рекорд ўрнатиш учун барча имкониятлар мавжуд ва бу ишни март ойининг ўзидаёқ амалга оширишига ҳеч қандай шубҳа йўқ.
