Germaniya Bundesligasida 24-tur o‘yinlari bo‘lib o‘tmoqda. Turning markaziy bahsi Dortmundning "Borussiya" va Myunxenning "Bavariya" jamoalari o‘rtasida kechdi. Mehmonlar 3:2 hisobida g‘alaba qozonishdi, myunxenliklar tarkibida ingliz hujumchisi Xarri Keyn ikkita gol urishga muvaffaq bo‘ldi.
Natijada, hozirgi vaqtga kelib uning joriy mavsumdagi gollari soni (barcha turnirlarni hisobga olganda) 44 taga yetdi. Buning uchun unga atigi 37 ta o‘yin kifoya qildi. Avvalroq, 2023/2024 yilgi mavsumda — Keyn Myunxendagi ilk yilini o‘tkazayotgan paytda ham mavsum davomida 44 ta gol urgan edi, biroq o‘shanda unga 45 ta o‘yin kerak bo‘lgan.
Endilikda unda yangi rekord o‘rnatish uchun barcha imkoniyatlar mavjud va bu ishni mart oyining o‘zidayoq amalga oshirishiga hech qanday shubha yo‘q.
