"Барселона" бош мураббийи Ханс-Дитер Флик "Вильярреал" устидан қозонилган ғалабада (4:1) хет-трик қайд этган вингер Ламин Ямал ҳақида гапирди. 18 ёшли футболчи учрашувнинг 28, 37 ва 69-дақиқаларида гол урди. Бу унинг фаолиятидаги илк хет-трик бўлди.
"Ламиннинг қайтиши биз учун муҳим эди. Ушбу учта гол унга ишончини қайта тиклашга ёрдам беради. Лекин мен унинг ҳимоядаги ўйинини ҳам алоҳида таъкидламоқчиман — у фаол прессинг қилди. Ямал бундай футбол намойиш этганда, уни томоша қилиш жуда ёқимли. Сешанба куни ҳам ундан шундай даражадаги ўйин кутиб қоламиз", — дея Фликнинг сўзларини келтиради Barca Universal.
3 март куни Испания Кубоги ярим финали доирасида "Барселона" ва "Атлетико" ўртасидаги жавоб учрашуви бўлиб ўтади. Биринчи ўйинда каталонияликлар йирик ҳисобда (0:4) мағлуб бўлишган эди.
