Испания Кубогининг биринчи ярим финалида "Барселона" "Атлетико"га 0:4 ҳисобида имкониятни бой берган эди. Энди Ханс-Дитер Флик жамоаси олдида мураккаб вазифа турибди — ўз майдонида вазиятни ўнглаш лозим. "Кўк-анорранглилар" вингери Ламин Ямал жавоб ўйини олдидан мухлисларга юзланди.
"Ҳозир мавсумнинг энг жиддий палласи бошланмоқда. Ла Лига, Испания Кубоги ва Чемпионлар лигасининг ҳал қилувчи қисми келди. Мухлисларимиздан сешанба куни стадионга келишларини сўраган бўлардим — "Атлетико"га қарши жавоб баҳсида мўъжиза содир бўлиши мумкин", — деди Ямал "Вильярреал" устидан қозонилган ғалабадан кейинги интервьюсида.
Эслатиб ўтамиз, "Барселона" "Вильярреал"ни 4:1 ҳисобида мағлуб этган ва Ламин Ямал ушбу ўйинда хет-трик қайд этган эди.
