Кеча, 28 февраль куни Саудия Арабистони чемпионатининг 24-тури доирасида "Ан-Наср" сафарда "Ал-Файҳа" жамоасини 3:1 ҳисобида мағлуб этди.
Меҳмонлар ҳужумчиси Криштиану Роналду учрашувни асосий таркибда бошлади, бироқ баҳсни якунигача етказа олмади. 81-дақиқада португалиялик юлдуз ўнг оёғидаги муаммолар туфайли захирага олинди.
Бундан ташқари, 41 ёшли ҳужумчи ўйин давомида пенальтини голга айлантира олмади. Шунга қарамай, "Ан-Наср" ғалабани ўз қўлида сақлаб қолди ва муҳим уч очкони қўлга киритди.
"Ан-Наср" кейинги ўйинини 4 март куни сафарда "Ал-Васл"га қарши ўтказади. Роналдунинг ушбу баҳсда иштирок этиши ҳозирча сўроқ остида турибди.
