"Ливерпуль" бош мураббийи Арне Слот АПЛнинг 28-турида "Вест Хэм Юнайтед"га қарши ўйинни (5:2) ўтказиб юборган жамоа ярим ҳимоячиси Флориан Вирцнинг ҳолати ҳақида гапирди.
"Вирц сешанба куни "Вулверхэмптон"га қарши ўйинда майдонга қайтадими? Ўтган ҳафта мен уни "Вест Хэм" билан ўйинга тайёр бўлишини кутаётганимни айтгандим, аммо баъзида жароҳатлар билан боғлиқ вазият ижобий ёки салбий томонга ўзгариши мумкин. Ҳозирги вақтда Вирцнинг тикланиши узоқ вақт талаб қилмайди деб ҳисоблаймиз, лекин сешанба кунги баҳсга у катта эҳтимол билан тайёр бўлмайди. Кейинги ҳафта тиғиз бўлади, бироқ аввал айтганимдек, мен уни бугунги ўйинда иштирок эта олади деб ўйлагандим, афсуски бу содир бўлмади", — дея Слотнинг сўзларини келтиради клуб расмий сайти.
