"Бавария" ҳимоячиси Жонатан Та УЕФА Чемпионлар лигаси 1/8 финал босқичи қуръаси натижаларига кўра мюнхенликларнинг "Аталанта" билан тўқнаш келиши борасида ўз фикрларини билдирди.
"Мен "Аталанта"га қарши илгари ҳам ўйнаганман, бу юқори интенсивлик билан ҳаракат қиладиган кучли рақиб. Уларнинг Дортмунднинг "Боруссия" жамоасига қарши ўйинларида ҳамма улар нималарга қодир эканлигини кўрди. Мен ушбу учрашувни интиқлик билан кутяпман! Жавоб ўйинини ўз майдонимизда ўтказиш устунлиги мени унчалик қизиқтирмайди, чунки якунда кейинги босқичга чиқиш учун икки ўйин натижасига кўра ғалаба қозониш муҳим. Тўғри, "Байер" билан тўқнашиш мен учун ўзига хос бўларди, лекин менимча, Чемпионлар лигасида италиялик рақиб билан ўйнаш соф немисча қарама-қаршиликдан кўра яхшироқ", — дея Танинг сўзларини келтиради Мюнхен клуби расмий сайти.
