Бугун, 2026 йил 1 март куни футбол бўйича Англия чемпионатининг 28-тури доирасида "Арсенал" ва "Челси" жамоалари ўзаро тўқнаш келишади. Учрашув Тошкент вақти билан соат 21:30 да бошланади.

Таҳлилчиларининг фикрига кўра, бўлажак ўйинда "Арсенал" яққол фаворит ҳисобланади. Майдон эгаларининг ғалабаси 60,7% га баҳоланмоқда. Ўйинда дуранг бўлиш эҳтимоли 22,6%, "Челси"нинг ғалабаси эса бор-йўғи 16,7% ни ташкил этмоқда.

Эслатиб ўтамиз, ушбу жамоалар ўртасидаги охирги ўйин 2026 йилнинг 3 февраль куни бўлиб ўтган ва унда "Арсенал" 1:0 ҳисобида ғалаба қозонган эди.