Bugun, 2026 yil 1 mart kuni futbol bo‘yicha Angliya chempionatining 28-turi doirasida "Arsenal" va "Chelsi" jamoalari o‘zaro to‘qnash kelishadi. Uchrashuv Toshkent vaqti bilan soat 21:30 da boshlanadi.
Tahlilchilarining fikriga ko‘ra, bo‘lajak o‘yinda "Arsenal" yaqqol favorit hisoblanadi. Maydon egalarining g‘alabasi 60,7% ga baholanmoqda. O‘yinda durang bo‘lish ehtimoli 22,6%, "Chelsi"ning g‘alabasi esa bor-yo‘g‘i 16,7% ni tashkil etmoqda.
Eslatib o‘tamiz, ushbu jamoalar o‘rtasidagi oxirgi o‘yin 2026 yilning 3 fevral kuni bo‘lib o‘tgan va unda "Arsenal" 1:0 hisobida g‘alaba qozongan edi.
