"Манчестер Сити" сардори Бернарду Силва кетганидан кейин ҳам клубни қўллаб-қувватлашда давом этишини айтди.
Португалиялик футболчининг "шаҳарликлар"дан кетиши яқин орада содир бўлиши мумкин - унинг шартномаси шу ёзда тугайди.
"Мен Манчестерлик эмасман, лекин ҳаётимнинг тўққиз йилини шу ерда ўтказганим учун ўзимни қисман манкунианликдек ҳис қиляпман.
Сизга ишонтириб айтаманки, кетганимдан кейин ҳам клубни қўллаб-қувватлашда давом этаман. Мен ўзимни шунчаки ўйинчи эмас, балки мухлислардан бири сифатида ҳис қиляпман.
Шунинг учун сардорлик боғичи мен учун алоҳида шарафдир", — деди Бернарду.
