"Манчестер Юнайтед" клубининг собиқ футболчиси Стив Брюс ҳимоячи Гарри Магуайр билан шартноманинг узайтирилиши мумкинлиги ҳақидаги фикрлари билан ўртоқлашди.
"Менимча, Гарри атрофида содир бўлаётган воқеалар учун ҳаддан ташқари узоқ вақт давомида "айбдор" бўлиб келди. У ҳеч қачон "Манчестер Юнайтед"ни уятга қолдирган деб ҳисобламайман. Бундан ташқари, у Англия терма жамоасига ҳам панд бермаган. Агар у жаҳон чемпионатига борса ва унга янги шартнома таклиф қилинса, бундан асло ҳайратланмайман. Нима учун йўқ? Назаримда, марказий ҳимоячилар ёши улғайгани сари яхшироқ ўйин кўрсата бошлайдилар. Охирги беш-олти ҳафта ичида у нималарга қодир эканлигини бизга яна бир бор эслатиб қўйди — агар буни исботлашга умуман ҳожат бўлган бўлса", — деди Брюс.
Гарри Магуайрнинг "Манчестер Юнайтед" билан амалдаги шартномаси 2026 йилнинг 30 июнига қадар мўлжалланган. Жорий мавсумда ҳимоячи 16 та ўйинда майдонга тушиб, 2 та гол урди ва битта голли узатмани амалга оширди.
