"Manchester Yunayted" klubining sobiq futbolchisi Stiv Bryus himoyachi Garri Maguayr bilan shartnomaning uzaytirilishi mumkinligi haqidagi fikrlari bilan o‘rtoqlashdi.
"Menimcha, Garri atrofida sodir bo‘layotgan voqealar uchun haddan tashqari uzoq vaqt davomida "aybdor" bo‘lib keldi. U hech qachon "Manchester Yunayted"ni uyatga qoldirgan deb hisoblamayman. Bundan tashqari, u Angliya terma jamoasiga ham pand bermagan. Agar u jahon chempionatiga borsa va unga yangi shartnoma taklif qilinsa, bundan aslo hayratlanmayman. Nima uchun yo‘q? Nazarimda, markaziy himoyachilar yoshi ulg‘aygani sari yaxshiroq o‘yin ko‘rsata boshlaydilar. Oxirgi besh-olti hafta ichida u nimalarga qodir ekanligini bizga yana bir bor eslatib qo‘ydi — agar buni isbotlashga umuman hojat bo‘lgan bo‘lsa", — dedi Bryus.
Garri Maguayrning "Manchester Yunayted" bilan amaldagi shartnomasi 2026 yilning 30 iyuniga qadar mo‘ljallangan. Joriy mavsumda himoyachi 16 ta o‘yinda maydonga tushib, 2 ta gol urdi va bitta golli uzatmani amalga oshirdi.
