Ярим ҳимоячи Мэйсон Маунт ёзда "Манчестер Юнайтед"ни тарк этиши мумкин.
"Football Insider" нашри берган маълумотларга кўра, "қизил иблислар" 27 ёшли футболчини ёзги трансфер ойнасида сотиб юборишлари мумкин. Агар клубга молиявий жиҳатдан манфаатли таклиф тушса, "МЮ" ўйинчининг трансфери бўйича вариантларни кўриб чиқишга тайёр.
Мэйсон Маунт 2023 йилда "Челси"дан "Манчестер Юнайтед"га 67 миллион евро эвазига ўтган эди. Унинг "қизил иблислар" билан шартномаси 2028 йилнинг 30 июнига қадар мўлжалланган. Жорий мавсумда ярим ҳимоячи "МЮ" сафида барча турнирларда 19 та ўйин ўтказиб, 3 та гол урди ва битта голли узатмани амалга оширди.
