"ПСЖ" бош мураббийи Луис Энрике Лига 1нинг 24-тури доирасида "Гавр"га қарши бўлиб ўтган ўйин ҳақидаги таассуротлари билан ўртоқлашди.
"ПСЖ" сафарда рақибини 1:0 ҳисобида мағлуб этди. Ягона гол муаллифи Брэдли Барколя бўлди.
"Жамоа қийин даврни бошдан кечирмоқда ва яққол голли вазиятларни бой бераётганимиз нормал ҳолат эмас. Бизда яхши дарвозабонлар ва яхши ҳужумчилар бор. Аммо биз 11 метрлик жарима зарбаларидан ҳам фойдалана олмаяпмиз", — дея испаниялик мутахассиснинг сўзларини келтиради "RMC Sport".
Парижликлар 57 очко жамғариб, иккинчи ўринда бораётган "Ланс" билан орадаги фарқни тўрт очкога етказиб олишди.
