Пабло Лонгория Франциянинг "Марсель" клуби президентлиги лавозимини тарк этди. У ушбу лавозимда беш йил давомида фаолият юритган эди.
Лонгориянинг вақтинчалик вориси этиб Альбан Жюстер тайинланди. Жюстер бунгача саккиз йил давомида "Марсель"да молия ва меъёрий талабларга риоя қилиш бўйича бош директор лавозимида ишлаб келаётган эди.
Яқинда "Марсель"нинг америкалик эгаси Фрэнк Маккорт клуб раҳбариятида қайта ташкил этиш ишларини эълон қилганди. Бундан аввалроқ спорт директори Меҳди Бенатия ҳам истеъфога чиққан, бироқ барча спорт фаолиятини назорат қилиш учун июнь ойигача ўз вазифасини бажариб туришга рози бўлганди.
Эслатиб ўтамиз, февраль ойида "Марсель" бош мураббийни ҳам ўзгартирган эди. Италиялик мутахассис Роберто Де Дзерби ўрнига Ҳабиб Бей тайинланган.













