"Реал Мадрид" бош мураббийи Альваро Арбелоа ҳужумчи Килиан Мбаппенинг соғлиғи ҳақида гапирди ва унинг Чемпионлар лигаси 1/8 финали доирасидаги "Манчестер Сити"га қарши баҳсларгача тикланиш имкониятларини баҳолади.
"Биз унда нима муаммо борлигини ва ҳозир нима хоҳлаётганимизни аниқ биламиз: ушбу ёқимсиз ҳиссиётлар ўтиб кетишини ва у тўлиқ тикланишини истаймиз.
Вазият қандай ривожланишини кундан-кунга кузатиб борамиз. Энг муҳими — унинг ўзи ўзини қандай ҳис қилаётгани. Ҳозирча ҳеч қандай муддат белгиламасдан, Мбаппега ўз ҳолатини тушуниб олиши учун имкон берган маъқул. Шундан келиб чиқиб, биз қарор қабул қиламиз. Унинг тўлиқ тайёр ҳолатда қайтишини хоҳлаймиз. Килиан ўзини яхши ҳис қилган заҳоти майдонга қайтади", — дея Арбелоанинг сўзларини келтиради AS нашри.
Аввалроқ Мбаппенинг чап тиззасидан жароҳат олгани ҳақида хабар берилган эди.
"Реал" ва "Манчестер Сити" ўртасидаги биринчи ўйин 11 март куни Мадридда бўлиб ўтади. Жавоб учрашуви эса 17 март куни Манчестерда ўтказилиши режалаштирилган.
