"Манчестер Сити" бош мураббийи Хосеп Гвардиола жамоанинг ўйинлар тақвимини танқид қилди. 7 март куни "Манчестер Сити" Англия Кубоги доирасида "Ньюкасл"га қарши майдонга тушиши белгиланган. Орадан тўрт кун ўтиб, "шаҳарликлар" Чемпионлар лигаси 1/8 финалида Мадриднинг "Реал" клуби билан ўйнаши керак.
"Бизда Англия Кубоги доирасида "Ньюкасл"га қарши сафар ўйини бор. Бизга учрашувни 18:00 эмас, балки 23:00 да ўтказишга рухсат берганингиз учун катта раҳмат, чунки энди Мадридга йўл олишдан олдин тикланиш учун янада камроқ вақтимиз бўлади. Яна бир бор катта раҳмат!" — деди Гвардиола.
11 март куни "Манчестер Сити" ва "Реал" Чемпионлар лигаси плей-офф босқичининг дастлабки учрашувини ўтказишади. Жавоб баҳси эса 17 март куни бўлиб ўтади.
