Дортмунднинг "Боруссия" клуби сардори Эмре Жан тиззасидан оғир жароҳат олди ва узоқ муддатга сафдан чиқди.
32 ёшли ярим ҳимоячи Бундеслиганинг 24-туридан ўрин олган "Бавария"га қарши ўйинда (2:3) Конрад Лаймер билан тўқнашувдан сўнг жароҳатланди. Эмре шикастланишдан кейин йиғлаб юборди ва бир неча дақиқа давомида ўйинни давом эттиришга ҳаракат қилди, бироқ биринчи бўлим якунида майдонни тарк этишга мажбур бўлди.
"Боруссия" клуби Жаннинг чап тиззасидаги хочсимон боғламлари узилганини ва у бир неча ойга сафдан чиққанини эълон қилди.
Германиялик футболчи 2020 йилдан бери Дортмунд клубида тўп суриб келмоқда, унинг шартномаси жорий мавсум якунига қадар амал қилади.
