Якшанба куни Сегунданинг 28-туридан ўрин олган «Спортинг» ва «Леганес» жамоалари ўртасидаги ўйин вақтида 82 ёшли мухлис вафот этди, дея хабар берди Хихон клуби матбуот хизмати.

Хихондаги стадионда кечаётган баҳс биринчи бўлим бошида фавқулодда тиббий ҳолат туфайли тўхтатилган эди. Шифокорларнинг саъй-ҳаракатларига қарамай, эркакнинг ҳаётини сақлаб қолишнинг имкони бўлмади. «Спортинг» клуби таъкидлашича, марҳум 40 йил давомида клуб абонементи соҳиби бўлиб келган.

«Бугун барчамиз чуқур қайғудамиз. Хаёлимиз унинг оиласи ва яқинлари билан. Тиббиёт ходимлари ва хавфсизлик хизматига кўрсатган хизматлари учун, шунингдек, ҳар икки жамоа мухлисларига намунали хулқ-атвори учун миннатдорчилик билдирамиз», — дейилади «Спортинг» клуби баёнотида.

Ушбу воқеадан сўнг ўйин қайта тикланмади. Қолдирилган учрашувнинг санаси ва вақти қўшимча равишда эълон қилинади.