Каталониянинг «Барселона» клуби Испания Ла Лигасининг навбатдаги 26-турида «Вильярреал» устидан қийинчиликсиз ғалаба қозонди.
Маълум бўлишича, бу ўтган йилнинг ноябрь ойида «Камп Ноу» стадионига қайтилгандан бери «Барселона» учун кетма-кет ўнинчи ғалаба бўлди. Бошқача айтганда, «Барселона» ўз уй стадионида ўтказилган ўнта ўйиннинг бирортасида ҳам очко йўқотгани йўқ.
Гап нафақат чемпионат, балки Чемпионлар лигаси ҳақида ҳам бормоқда. Энди каталонияликлар ушбу муваффақиятли серияни ўн биринчи бор такрорлашга ҳаракат қилишади. Бу имконият чоршанба куни Испания Кубоги ярим финали доирасида «Атлетико»га қарши бўлиб ўтадиган жавоб учрашувида юзага келади.
