"Арсенал" бош мураббийи Микель Артета Англия Премьер-лигаси (АПЛ) доирасида "Челси" устидан қозонилган ғалабага изоҳ берди.
Учрашув "канонирлар"нинг 2:1 ҳисобидаги ғалабаси билан якунланди. Ўйиннинг 70-дақиқасидан бошлаб, Педру Нету қизил карточка олгач, "Челси" бир киши кам бўлиб ўйнади. Таъкидлаш жоизки, учрашувдаги барча учта гол бурчак тўпларидан сўнг киритилди.
"Гол ўтказиб юборган вазиятимиз бизни хафа қилди, аммо ихтиёримизда бутун бошли иккинчи бўлим бор эди. Рақиб таркибида 10 нафар футболчи қолганида, биз тўп назоратини анча яхшироқ амалга оширишимиз керак эди.
Биз натижадан жуда мамнунмиз, чунки охирги ҳафта давомида иккита жуда қийин ўйин ўтказганимизни билардик. Жамоанинг кайфияти ва охиригача курашишга тайёрлигидан кўнглим тўлди.
Март ойида биз барча мусобақаларда иштирок этмоқдамиз ва пешқадамлар қаторидамиз", — дея Артетанинг сўзларини BBC нашри келтирмоқда.
