Доменико Тедеско «Фенербахче» клубига келганидан сўнг Туркия чемпионатидаги мағлубиятсиз серияси давомийлиги бўйича мураббийлар ўртасидаги рекордни янгилади.

Туркия Суперлигасининг 24-турида Истанбул клуби сафарда «Антальяспор»га қарши баҳсда 63-дақиқагача 0:2 ҳисобида имкониятни бой бераётган эди, бироқ учрашувни дуранг (2:2) билан якунлашга муваффақ бўлди.

Шу тариқа, Тедеско тайинланганидан бери «Фенербахче» мамлакат чемпионатида 21 та ўйиндан бери мағлуб бўлмаяпти — 13 та ғалаба ва 8 та дуранг. Шу тариқа, Тедеско клубга келганидан кейинги энг узоқ мағлубиятсиз серия бўйича Оскар Холднинг рекордини (1964 йил октябрдан 1965 йил февралгача бўлган 19 та ўйин) янгилади.

Қайд этиш жоизки, Тедесконинг ўзи ўйинни ўтказиб юборди. Клубнинг хабар беришича, вирус туфайли тана ҳарорати кўтарилган Доменико шифокорлар назоратида қолган.

«Фенербахче» Туркия чемпионатида 24 та ўйиндан сўнг 54 очко жамғариб, иккинчи ўринда бормоқда. «Галатасарой» 58 очко билан пешқадамлик қилмоқда.