«Челси»нинг собиқ ҳужумчиси Крис Саттон АПЛ доирасида «Арсенал»га қарши кечган ўйинда (1:2) Педру Нетунинг майдондан четлатилишига муносабат билдирди.
«Кўклар»нинг 25 ёшли ҳужумчиси учрашувнинг 67-дақиқасида ҳакамнинг қарорига эътироз билдиргани учун биринчи сариқ карточкасини олди. Орадан атиги уч дақиқа ўтиб, 70-дақиқада Нету қарши ҳужумга қочиб кетаётган Габриэль Мартинеллини йиқитди ва бош ҳакам Даррен Инглэнд томонидан иккинчи сариқ карточка билан жазоланиб, майдондан чиқариб юборилди.
«Челси» нуқтаи назаридан айтадиган бўлсам, Педру Нету жамоасига жиддий панд бериб қўйди. Бундай вазиятда майдондан четлатилиш учун одам қанчалик аҳмоқ бўлиши керак», — деди Саттон.
