Мюнхеннинг "Бавария" клуби марказий ҳужумчиси Харри Кейн "Олтин бутса" совринига даъвогарлар рўйхатида ишонч билан пешқадамлик қилмоқда.
Германия Бундеслигининг жорий мавсумида инглиз бомбардири аллақачон 30 та гол уришга муваффақ бўлди ва бунинг учун 60 очко жамғарди. Кейн ўзининг энг яқин таъқибчиси — Мадриднинг "Реал" клуби ҳужумчиси Килиан Мбаппедан сезиларли даражада ўзиб кетган. Франциялик футболчи Ла Лигада 23 та гол (46 очко) урган. Нуфузли соврин учун даъвогарлар кучли учлигини "Манчестер Сити"нинг норвегиялик голеадори Эрлинг Холанд якунлаб беради. Скандинавиялик футболчи АПЛда 22 та гол (44 очко) урган.
Эслатиб ўтамиз, ўтган мавсумда "Олтин бутса" соҳиби Килиан Мбаппе бўлган эди.
