"Ливерпуль" клубининг собиқ бош мураббийи Юрген Клопп "Ред Булл" футбол йўналиши раҳбари лавозимини тарк этиши мумкин. Бу ҳақда Франциянинг L'Équipe газетаси хабар бермоқда.
Манбанинг маълумотига кўра, тизимда германиялик мутахассиснинг фаолиятидан норози бўлишмоқда. У қабул қилган айрим қарорлари учун танқид қилинган. Таъкидланишича, жорий мавсум якунланганидан сўнг Клоппнинг ўрнини "Кристал Пэлас"нинг амалдаги бош мураббийи Оливер Гласнер эгаллаши мумкин.
Эслатиб ўтамиз, Клопп 2024 йилнинг ёзида "Ливерпуль" устози лавозимидан кетган эди. Мутахассис 2025 йилнинг январидан буён "Ред Булл" тизимида ишлаб келмоқда.
Айтиб ўтиш жоизки, аввалроқ 58 ёшли мураббийга Мадриднинг "Реал" клуби қизиқиш билдирган эди.













