"Ливерпуль" ва "Ньюкасл Юнайтед" клублари 28 ёшли колумбиялик ҳужумчи Луис Суаресни сотиб олиш имкониятларини кўриб чиқишмоқда. Бу ҳақда Sports Boom нашри ёзмоқда.
Манбаларнинг таъкидлашича, ушбу трансфер арзонга тушмайди. Суарес Португалиянинг "Спортинг" клубига тегишли бўлиб, лиссабонликлар ўз футболчиси учун камида 60 миллион евро талаб қилишади.
Суарес Испаниянинг "Альмерия" клубидан ўтганидан сўнг, 2025 йилдан буён "Спортинг"да тўп суриб келмоқда. Жорий мавсумда ҳужумчи Португалия клуби сафида 37 та учрашувда майдонга тушиб, 29 та гол урди ва 4 та голли узатмани амалга оширди.
