"Манчестер Сити" бош мураббийи Пеп Гвардиола АПЛда стандарт вазиятларнинг роли ошиб бораётгани ҳақида ўз фикрларини билдирди.
Аввалроқ "Ливерпуль" устози Арне Слот клублар стандарт вазиятларга ҳаддан ташқари кўп таяниб қолаётгани сабабли Премьер-лига ўйинларидан завқ олмаяётганини айтган эди.
"Стандартлар муҳим роль ўйнай бошлади. Мен мураббийлик фаолиятимни бошлаган вақтларда ҳаммаси бошқача эди.
Болалигимда Англияда бурчак ва жарима тўпларига худди гол урилгандек хурсанд бўлишлари ҳақида гапиришарди. Буни жуда яхши эслайман, демак, ўша пайтдан бери ҳеч нарса ўзгармаган.
Бу борада "Арсенал" трендни белгилаб бермоқда ва бу муҳим жиҳат. Тўрт йил олдин NBAда уч очколик тўпларга бунчалик катта эътибор берилмасди, ҳозир эса кўп жамоалар шунга урғу бермоқда. Бу — жараённинг бир қисми. Бир четда ўтириб нолиш мумкин, лекин вазиятга мослашиш керак. Бу — ўйиннинг бир қисми.
Айниқса, Премьер-лигада бу қандай амалга оширилаётганига мослашиш лозим. Ҳар бир мамлакатнинг ўз хусусиятлари бор ва ҳар бир клубнинг ўз ўйин услуби мавжуд. Мен Арне Слот нега бундай деганини тушунаман ва қайсидир маънода унинг фикрига қўшиламан", — деди Гвардиола.
