"Ливерпуль" дарвозабони Алиссон Беккер Италияга қайтиши мумкин.
La Repubblica нашри берган маълумотларга кўра, жорий ёзда бразилиялик посбонни ўз сафига қўшиб олишга "Интер" ва "Ювентус" клублари жиддий қизиқиш билдирмоқда. Ҳар икки Италия гранди ёзги трансфер ойнасида дарвоза чизиғини кучайтиришни режалаштирган ва Алиссон улар учун асосий номзод бўлиб турибди.
Алиссон 2018 йилда "Рома"дан "Ливерпуль"га 72 миллион евро эвазига ўтган эди. Унинг амалдаги шартномаси 2027 йил 30 июнга қадар мўлжалланган. Жорий мавсумда бразилиялик голкипер "қизиллар" сафида барча турнирларда 30 та ўйин ўтказиб, ўз дарвозасидан 32 та тўп олиб чиқди ва 12 та учрашувда дарвозаси дахлсизлигини сақлаб қолди. Transfermarkt портали Алиссоннинг трансфер қийматини 17 миллион еврога баҳоламоқда.
