Лондоннинг "Арсенал" клуби февраль ойининг энг яхши футболчиси бўлишга номзодларни маълум қилди. Улар орасида ҳужумчи Виктор Дьёкереш, ҳужумкор ярим ҳимоячи Эберечи Эзе, ҳимоячи Пьеро Инкапье, шунингдек, вингер Нони Мадуэке бор.
Ғолиб номи "канонирлар"нинг расмий интернет-порталида ўтказиладиган овоз бериш жараёнидан сўнг аниқланади.
Эслатиб ўтамиз, ўтган якшанба куни "Арсенал" ўз уйида АПЛ доирасида "Челси"ни мағлуб этди. Айни дамда "канонирлар" 64 очко билан Премьер-лигада биринчи ўринни эгаллаб турибди. "Манчестер Сити" билан орадаги фарқ — беш очкони ташкил этади, бироқ "шаҳарликлар" ихтиёрида битта захира ўйини мавжуд.
Шу ҳафтада "Арсенал" АПЛ доирасидаги навбатдаги учрашувини сафарда "Брайтон"га қарши ўтказади.
