Ярим ҳимоячи Кобби Майнунинг "Манчестер Юнайтед"даги келажаги ҳали ҳам ноаниқ бўлиб қолмоқда.
Журналист Натан Салта берган маълумотларга кўра, футболчи билан шартномани узайтириш бўйича музокаралар чўзилмоқда. Рубен Аморим кетганидан сўнг, футболчи асосий таркибга қайта бошлади ва вазият бир оз яхшиланди. Шунга қарамай, томонлар ҳали ҳам маош миқдори бўйича бир қарорга кела олишмаяпти.
Кобби Майну "Манчестер Юнайтед" тарбияланувчиси ҳисобланади. Унинг клуб билан амалдаги шартномаси 2027 йил 30 июнга қадар мўлжалланган бўлиб, унда муддатни яна бир йилга узайтириш имконияти ҳам бор. Жорий мавсумда 20 ёшли ярим ҳимоячи "қизил иблислар" сафида барча турнирларда 21 та ўйинда иштирок этиб, учта голли узатмани амалга оширди. Transfermarkt портали Майнунинг трансфер қийматини 40 миллион еврога баҳоламоқда.
