«Ливерпуль»нинг афсонавий собиқ сардори Стивен Жеррард 17 ёшли Рио Нгумоха жамоанинг асосий таркибида майдонга тушиши керак деб ҳисоблайди.

Сешанба куни «қизиллар» Премьер-лига доирасидаги баҳсда «Вулверхэмптон»га имкониятни бой беришди (1:2). Жамоа бош мураббийи Арне Слот ёш вингерни 65-дақиқада Коди Гакпонинг ўрнига майдонга туширди.

«Мураббий Нгумохани асосий таркибда туширишга мажбур. Бугун у майдонда бўлган қисқа вақт ичида Гакпо 60 дақиқа давомида қилганидан кўпроқ иш бажарди», — дея инглиз ОАВ Жеррарднинг сўзларини келтирмоқда.

Яқинда матбуотда Арне Слот мавсумнинг қолган қисмида Рио Нгумохани майдонга тез-тез туширишга тайёр эканлиги ҳақида хабарлар тарқалган эди.