«Манчестер Сити» бош мураббийи Хосеп Гвардиола стандарт вазиятларнинг муҳимлиги ҳақида тўхталиб ўтди.

«Шаҳарликлар» Премьер-лига турнир жадвалида иккинчи ўринни эгаллаб туришибди. Улар стандарт вазиятлардан гол уриш борасида донг таратган Лондоннинг «Арсенал» клубидан ортда қолишмоқда.

«Деярли ишончим комилки, барча жамоалар худди «Арсенал» каби стандартлардан мунтазам равишда гол уришни исташади. Бизнинг бу борадаги ишларимиз бир оз ёмонроқ, лекин бори шу. АПЛда мураббийлик ишининг сифати сезиларли даражада яхшиланди.

Биз ҳам шу йўналишда ҳаракат қилишга интиляпмиз. Ҳозир стандартларга мураббийлик фаолиятимни бошлаган «Барселона»даги давримга қараганда анча кўп эътибор қаратяпман», — деди Гвардиола матбуот анжуманида.

Бугун соат 00:30 да «Манчестер Сити»нинг «Ноттингем Форест»га қарши баҳси бошланади.