Мюнхеннинг «Бавария» клуби ҳужумчиси Харри Кейн Европанинг кучли бешлик чемпионатлари орасида ўз ФИК — фойдали иш коэффициенти бўйича етакчилик қилмоқда.

Жорий мавсумда у аллақачон 45 та гол уришга улгурди ва бу билан янги шахсий рекордини ўрнатди. Шунингдек, у жамоадошлари учун 5 та голли узатмани ҳам амалга оширди. Эндиликда унинг ҳисобида 50 та голли ҳаракат мавжуд бўлиб, бу Европадаги мутлақ энг яхши натижадир.

Эслатиб ўтамиз, Кейн 2023 йилдан бери «Бавария» шарафини ҳимоя қилиб келмоқда, унинг аввалги клуби Лондоннинг «Тоттенхэм» жамоаси эди. Ҳозирда «Бавария» Германия Бундеслигаси турнир жадвалида ишонч билан пешқадамлик қилмоқда.