Myunxenning «Bavariya» klubi hujumchisi Xarri Keyn Yevropaning kuchli beshlik chempionatlari orasida o‘z FIK — foydali ish koeffisiyenti bo‘yicha yetakchilik qilmoqda.
Joriy mavsumda u allaqachon 45 ta gol urishga ulgurdi va bu bilan yangi shaxsiy rekordini o‘rnatdi. Shuningdek, u jamoadoshlari uchun 5 ta golli uzatmani ham amalga oshirdi. Endilikda uning hisobida 50 ta golli harakat mavjud bo‘lib, bu Yevropadagi mutlaq eng yaxshi natijadir.
Eslatib o‘tamiz, Keyn 2023 yildan beri «Bavariya» sharafini himoya qilib kelmoqda, uning avvalgi klubi Londonning «Tottenxem» jamoasi edi. Hozirda «Bavariya» Germaniya Bundesligasi turnir jadvalida ishonch bilan peshqadamlik qilmoqda.
