«Барселона» Испания Кубоги ярим финалининг жавоб учрашувида Мадриднинг «Атлетико» клуби билан баҳсда керакли натижага эриша олмади. Каталонияликлар ўз уйларида 3:0 ҳисобида ғалаба қозонишди, бироқ финалга чиқиш учун бу кифоя қилмади — дастлабки учрашув 0:4 ҳисобидаги мағлубият билан якунланган эди.

Шу тариқа, Ханс-Дитер Флик клубга келганидан бери «Барса» илк бор ички турнирдаги совринни қўлдан чиқарди. Бунгача «кўк-анорранглилар» германиялик мутахассис қўл остида ички аренадаги тўртта имкониятдан тўрттасида ҳам ғолиб чиқишган эди (Ла Лига чемпионлиги, Испания Кубогидаги ўтган йилги ғалаба ва икки бор Испания Суперкубоги).

Финалда «Атлетико» жамоаси «Реал Сосьедад» — «Атлетик» Бильбао қарама-қаршилиги ғолиби билан тўқнаш келади.