"Ливерпуль" ҳимоячиси ва етакчиси Виргил ван Дейк АПЛнинг жорий мавсумида энг кўп узатма берган футболчига айланди. Talksport тақдим этган статистикага кўра, унинг ҳисобида ҳозирча якунланмаган мавсум давомида 2 144 та узатма мавжуд.

Рейтингнинг иккинчи ва учинчи поғоналарини ҳам марказий ҳимоячилар эгаллаб турибди. Булар Льюис Данк ("Брайтон", 2 109 та узатма) ва Трево Чалоба ("Челси", 1 943 та узатма).

Тўртинчи ўрин ҳам яна бир ҳимоячи — "Фулхэм" аъзоси Йоаким Андерсенга (1 869 та узатма) насиб этди. Рейтингга якун ясовчи бешинчи ўриндан ниҳоят ярим ҳимоячи жой олди — Эллиот Андерсен. "Ноттингем Форест" футболчиси мавсумнинг ўтган даври мобайнида 1 855 та узатмани амалга оширган.