"Барселона" таркибни кучайтириш режалари доирасида трансфер бозорини ўрганмоқда. Каталония клубининг асосий мақсади — чап оёқда ҳаракат қиладиган марказий ҳимоячи сотиб олиш.
Transfer News Live нашрининг AS нашрига таяниб хабар беришича, "Барселона" учун ушбу ролга номзодлар рўйхатини "Тоттенхэм" аъзоси Микки ван де Вен ва "Интер" футболчиси Алессандро Бастони бошқариб турибди.
Қайд этилишича, "Барселона" "Тоттенхэм"даги вазиятни диққат билан кузатиб бормоқда. Агар клуб Чемпионшипга тушиб кетса, Ван де Венни анча пастроқ нархда сотиб олиш имконияти туғилади.
Нуфузли Transfermarkt портали 24 ёшли Ван де Веннинг нархини 65 миллион еврога, 26 ёшли Бастонини эса 80 миллион еврога баҳоламоқда.













