"Барселона" ҳужумчиси Роберт Левандовски кўз косаси суягининг синиши туфайли "Атлетико"га қарши кубок ўйинини ўтказиб юборган эди. Чоршанба куни польшалик тўпурар машғулотларга қайтди, бироқ у ҳозирча махсус ҳимоя ниқобида шуғулланмоқда.
Таниқли журналист Фабрицио Романо ижтимоий тармоқларда хабар беришича, Левандовски Ла Лиганинг навбатдаги тури доирасидаги "Атлетик"ка қарши ўйинда майдонга тушишга тайёр.
Испания чемпионатининг "Атлетик" ва "Барселона" жамоалари ўртасидаги учрашуви шанба куни, 7 мартда бўлиб ўтади. Бильбаодаги ўйин Тошкент вақти билан якшанбага ўтар кечаси соат 01:00 да бошланади.
Маълумки, "Барселона" айни дамда Ла Лига турнир жадвалида пешқадамлик қилмоқда. Иккинчи ўриндаги "Реал" каталонияликлардан тўрт очкога ортда қолмоқда.
