«Манчестер Юнайтед»нинг собиқ ярим ҳимоячиси Пол Скоулз Англия чемпионатининг 29-тури доирасида «Ньюкасл»дан қабул қилинган мағлубиятдан (1:2) сўнг жамоани қаттиқ танқид қилди. Эътиборлиси, «қарғалар» биринчи бўлим якунидан бошлаб бир киши кам бўлиб ўйнашган эди.
«Майклда шубҳасиз қандайдир ўзига хослик бор... аммо «Юнайтед» сўнгги 4 та ўйинда расво кўринди... Хайрли тун», — деб ёзди Скоулз.
«Ньюкасл» 39 очко жамғариб, АПЛ турнир жадвалида 12-ўринни эгаллаб турибди. «Манчестер Юнайтед» учун бу мағлубият Майкл Кэррик бошқарувидаги биринчиси бўлди. Жамоа 51 очко билан 3-поғонани банд этган.













