«Manchester Yunayted»ning sobiq yarim himoyachisi Pol Skoulz Angliya chempionatining 29-turi doirasida «Nyukasl»dan qabul qilingan mag‘lubiyatdan (1:2) so‘ng jamoani qattiq tanqid qildi. E’tiborlisi, «qarg‘alar» birinchi bo‘lim yakunidan boshlab bir kishi kam bo‘lib o‘ynashgan edi.

«Mayklda shubhasiz qandaydir o‘ziga xoslik bor... ammo «Yunayted» so‘nggi 4 ta o‘yinda rasvo ko‘rindi... Xayrli tun», — deb yozdi Skoulz.

«Nyukasl» 39 ochko jamg‘arib, APL turnir jadvalida 12-o‘rinni egallab turibdi. «Manchester Yunayted» uchun bu mag‘lubiyat Maykl Kerrik boshqaruvidagi birinchisi bo‘ldi. Jamoa 51 ochko bilan 3-pog‘onani band etgan.