«Манчестер Юнайтед» сардори Бруну Фернандеш Премьер-лиганинг 29-турида «Ньюкасл Юнайтед»га қарши ўйинда (1:2) голли узатма амалга оширди ва ушбу кўрсаткич бўйича клуб тарихидан ўрин олди.

Opta Sports телеграм-канали маълумотига кўра, ушбу ассист португалиялик футболчи учун жорий АПЛ мавсумидаги 14-голли узатма бўлди. «Қизил иблислар» сафида Премьер-лига бир мавсумида бундан кўпроқ ассистни фақат Дэвид Бекхэм амалга оширган — у 1999/2000 йилги мавсумда 15 та голли узатма қайд этган.

Жорий мавсумда Фернандеш барча мусобақаларда 28 та ўйинда иштирок этиб, 7 та гол ва 15 та голли узатма муаллифи бўлди. Унинг клуб билан амалдаги шартномаси 2027 йил ёзига қадар мўлжалланган. Transfermarkt портали маълумотига кўра, футболчининг бозор қиймати 40 миллион еврони ташкил этади.