Франция терма жамоаси ва Англиянинг «Кристал Пэлас» клуби ҳужумчиси Жан-Филипп Матета тиззасидаги жароҳатдан сўнг тикланишга яқин турибди. Бу ҳақда «бургутлар» бош мураббийи Оливер Гласнер «Тоттенхэм» билан ўйин олдидан ўтказилган матбуот анжуманида маълум қилди.

28 ёшли футболчи келаси ҳафтада машғулотларга қайтади ва катта эҳтимол билан Конференциялар лигаси 1/8 финалининг биринчи ўйинида майдонга тушишга тайёр бўлади.

«Биз келаси душанба куни Матетанинг жамоавий машғулотларга қисман қайтишини режалаштирмоқдамиз. У пайшанба куни «Ларнака»га қарши ўйинни асосий таркибда бошламайди, бироқ 15–20 дақиқа ўйнаши мумкин», — деди Гласнер.

«Ҳамма жисмоний муаммони жарроҳлик амалиётисиз ҳал қилишга ҳаракат қилмоқда. Умумий фикрга кўра, операциясиз, консерватив даволанишни синаб кўриш энг яхши йўлдир», — дея қўшимча қилди мураббий.

Эслатиб ўтамиз, аввалроқ Матета соғлиғидаги муаммолар (тиббий кўрикдан ўта олмагани) сабабли «Милан»га ўта олмаган эди.