«Барселона» марказий ҳимоячи Андреас Кристенсен билан янги шартнома бўйича музокараларни бошлади.
Даниялик футболчининг амалдаги келишуви шу ёзда якунига етади. Diario Sport нашрининг хабар беришича, «кўк-анорранглилар» режалаштирилганидек, унга шартномани 2027 йилнинг ўрталарига қадар узайтиришни таклиф қилишган, бироқ бунда маошнинг бир оз қисқариши кўзда тутилган. Чоршанба куни клуб спорт директори Деку 29 ёшли футболчининг агенти билан учрашиб, шартларни муҳокама қилган.
Ҳозирги вақтда Андреас Кристенсен декабрь ойи ўрталарида олган жароҳатидан сўнг тикланиш жараёнини давом эттирмоқда. Унинг майдонга қайтиши мавсум якунига режалаштирилган. Ҳимоячи 2022 йил ёзидан буён «Барса» шарафини ҳимоя қилиб келмоқда.













