«Реал Мадрид» ҳужумчиси Килиан Мбаппе тикланиш жараёнини тезлаштиришни истамаяпти. The Touchline нашрининг La SER’га таяниб хабар беришича, Мбаппенинг чап тиззасидаги орқа хочсимон боғламлари ҳаддан ташқари зўриқиш ҳолатида турибди.
Агар Мбаппе «Реал» сафида майдонга тушишга шошилса, вазият янада ёмонлашиши мумкин. Килиан эса бу борада таваккал қилишга тайёр эмас.
Мбаппенинг бу қарорини тушуниш қийин эмас, чунки орадан уч ойдан кўпроқ вақт ўтгач, Франция терма жамоаси Жаҳон чемпионатидаги иштирокини бошлайди.
2025/2026 йилги мавсумда Килиан Мбаппе 33 та ўйинда майдонга тушиб, 38 та гол урди ва 6 та голли узатмани амалга оширди. Ҳозирда «Реал» Ла Лига турнир жадвалида иккинчи ўринни эгаллаб турибди.
