«Тоттенхэм»нинг собиқ устози Томас Франк Англия Премьер-лигасида иш бошлаши мумкин. Бу ҳақда Sun Sport журналистлари хабар бермоқда.
Манба берган маълумотларга кўра, «Кристал Пэлас» мутахассис хизматларига қизиқиш билдирмоқда. «Бургутлар» 2025/2026 йилги мавсум якунида жамоани тарк этиши кутилаётган Оливер Гласнер ўрнига муносиб номзод изламоқда.
Ҳозирда «Кристал Пэлас» Англия чемпионати турнир жадвалининг иккинчи ярмида бормоқда. Жамоа 35 очко жамғарган ҳолда 14-поғонани эгаллаб турибди. Гласнер шогирдлари навбатдаги учрашувни сафарда айнан «Тоттенхэм»га қарши ўтказади. Ушбу баҳс бугун, пайшанба, 5 март куни бўлиб ўтади.
