«Tottenxem»ning sobiq ustozi Tomas Frank Angliya Premyer-ligasida ish boshlashi mumkin. Bu haqda Sun Sport jurnalistlari xabar bermoqda.

Manba bergan ma’lumotlarga ko‘ra, «Kristal Pelas» mutaxassis xizmatlariga qiziqish bildirmoqda. «Burgutlar» 2025/2026 yilgi mavsum yakunida jamoani tark etishi kutilayotgan Oliver Glasner o‘rniga munosib nomzod izlamoqda.

Hozirda «Kristal Pelas» Angliya chempionati turnir jadvalining ikkinchi yarmida bormoqda. Jamoa 35 ochko jamg‘argan holda 14-pog‘onani egallab turibdi. Glasner shogirdlari navbatdagi uchrashuvni safarda aynan «Tottenxem»ga qarshi o‘tkazadi. Ushbu bahs bugun, payshanba, 5 mart kuni bo‘lib o‘tadi.