«Реал Мадрид»нинг собиқ вингери Гарет Бэйл мадридликларнинг собиқ ҳужумчиси Криштиану Роналду билан бирга ўйнагани ҳақидаги фикрлари билан ўртоқлашди.
«Англия Премьер-лигасидаги Криштиану Роналду шубҳасиз анча ёрқинроқ футболчи ва вингер эди. Мен «Реал»га келган вақтимда эса у ҳақиқий бомбардирга айланиб бўлганди. У агар бор эътиборини фақат гол уришга қаратса, якунда анча кўпроқ эътирофга сазовор бўлишини тушуниб етганди», — деди Бэйл The Overlap нашрига берган интервьюсида.
Эслатиб ўтамиз, Криштиану Роналду 2003–2009 ва 2021–2022 йиллар давомида «Манчестер Юнайтед» шарафини ҳимоя қилган. У «қизил иблислар» сафида жами 346 та ўйин ўтказиб, 145 та гол урган ва 73 та голли узатмани амалга оширган.
Португалиялик юлдуз «Реал»да 2009 йилдан 2018 йилгача фаолият юритган. У «қаймоқранглилар» либосида 438 та учрашувда майдонга тушиб, 450 та гол ва 131 та ассист қайд этган.
