«Реал Мадрид» келаётган ёзда ҳимоя чизиғини кучайтириши деярли аниқ бўлиб улгурган. Мадрид клуби доимий равишда Дортмунднинг «Боруссия» жамоаси марказий ҳимоячиси Нико Шлоттербек билан боғланмоқда.
Журналист Маттео Мореттонинг ижтимоий тармоқларда хабар беришича, «Боруссия» Шлоттербек билан шартномани узайтиришни истамоқда. Бироқ 26 ёшли футболчи янги келишувга шошилмаяпти, чунки у «Реал» томонидан бўлаётган қизиқишдан хабардор. Таъкидланишича, Никонинг ўзи ҳам «қироллик клуби» либосини кийиш ғоясига катта қизиқиш билдирмоқда.
Transfermarkt портали мутахассислари Нико Шлоттербекни 55 миллион еврога баҳолашмоқда. Ҳимоячи Германия миллий терма жамоаси сафида аллақачон 23 та ўйинда иштирок этишга улгурган.
