«Челси» ҳужумчиси Жоао Педро жамоадоши Коул Палмер ҳақида гапирди.

Бразилиялик ва инглиз футболчилари Премьер-лиганинг ўтган тур баҳсида «кўклар»га «Астон Вилла»ни тор-мор этишга ёрдам беришди (4:1). Педро ўз ҳисобига хет-трик ёздириб қўйган бўлса, Палмер битта гол билан ажралиб турди.

«Ҳамма биладики, Палмер — ўзгача футболчи. У мен клубга келган илк кунимданоқ ёрдам беришга ҳаракат қилмоқда. У билан бирга ўйнаш менга завқ бағишлайди. Шунингдек, биз майдондан ташқарида ҳам кўп вақтни бирга ўтказамиз», — дея журналист Ллойд Кэнфилд Педронинг сўзларини келтиради.

Шанба куни лондонликлар Англия кубоги доирасида сафарда «Рексхэм»га қарши майдонга тушишади. Учрашув Тошкент вақти билан соат 22:45 да бошланади.