Эду «Ноттингем Форест»нинг футбол йўналиши раҳбари лавозимини тарк этади.
Бразилиялик мутахассисга клубнинг машғулот базаси ва уй стадионида кўриниш бериш тақиқлаб қўйилди. The Telegraph нашрининг маълумотларига кўра, Эду «Форест»нинг охирги учта ўйинини аллақачон ўтказиб юборган ва тез орада клуб билан хайрлашади.
«Арсенал»нинг собиқ техник директори «Ноттингем»га 2025 йилнинг июль ойида келган эди. Ўшандан бери жамоада тўртта мураббий алмашди, таркибни кучайтириш учун эса тахминан 200 миллион фунт сарфланди.
29 турдан сўнг «Форест» АПЛ турнир жадвалида 17-ўринни эгаллаб турибди ва хавфли ҳудудда бораётган «Вест Хэм»ни фақатгина тўплар нисбатига кўра ортда қолдирмоқда.













